المرحلة الأولى: الثقافة العامة

دي تنطبق على أي فنان أو أي إنسان عايز يبقى أفضل، و هدفها تخليك إنسان واعي فكرياً وعندك وجهة نظر، لأن ده اللي هيخليك مميز ومختلف عن ١٠٠ واحد غيرك بيتعلم من نفس المصادر اللي انت بتتعلم منها.

١- ثقف نفسك بالقراءة والاستماع

محتاج تقرأ في كل وأي حاجة، مش في السينما وبس، محتاج تقرأ أدب عشان يوسع خيالك، وتقرأ تاريخ عشان يوسع إدراكك، وتقرأ علم نفس عشان يوسع فهمك لطبيعة الإنسان، وتقرأ فلسفة عشان تتعلم تفكر تفكير منطقي.

لو بتكسل تقرأ فأقترح عليك تسمع كتب صوتية: روايات مسموعة – بهاء زايد
لو عايز قناة بتشرح فلسفة بشكل مبسط جداً بإستخدام اللغة العامية: Philosophize This!
قناة بتديك نظرة على تاريخ الفلسفة وردهم على بعض: Overthink Podcast

جرب تسمع TED Talks عن مواضيع مختلفة: TED

اتفرج على فيديوهات الراجل ده: Vsauce
وفيديوهات مدرسة الحياة: The School of Life

٢- نمي ذوقك الفني

لو ذوقك الفني ضعيف هيبقى صعب تحكم علي الفن إذا كان راقي او لا، وصعب كمان تحكم على شغلك قبل ما تعرضه للناس. المهرجانات الشعبي مثلاً تتألف من موسيقى فقيرة جداً متكررة، وحتى كلماتها فقيرة وده لطبيعة وظروف نشأة النوع ده من الموسيقى. جرب تسمع أوركسترا واسمع الموسيقى الحقيقية. جرب تروح دار الأوبرا وتحضر حفلات موسيقى هناك، وجرب تسمع للناس القديمة زي أم كلثوم، و Edith Piaf، او ارجع ورا اكتر واسمع Beethoven و Mozart وغيرهم كتير. ممكن متلاقيش اى حاجة من دول ذوقك بس انت أصلاً لسه بتدور على ذوقك، ولسه بتنميه؛ فلازم تدوق من كل حاجة. متكتفيش بس إنك تسمع موسيقى ولكن حاول تدرسها، اعرف السيمفونية دي اتعملت امتى وليه؟

دي قنوات هتفيدك وانت بتتعلم الموسيقى وتاريخها: Inside the Score, ClassicalWGUC

نفس الكلام في التغذية البصرية. انت كل يوم في حياتك بتشوف مناظر بشعة في الشارع وفي التصميم المعماري وفي كل حاجة حواليك، عقلك معندوش حاجة يستلهم منها صورة حلوة.

إتفرج على فن تشكيلي وادرسه

ومن القنوات اللي هرشحهالك هنا قناة Great Art Explained، الراجل ده بيمسك اللوح المشهورة ويتكلم عنها بالتفصيل، ايه الجديد اللي أضافته للفن التشكيلي، وايه اللي كان موجود في الفترة اللي قبل ما اللوحة دي تكون موجودة؟ … ومن خلال فيديوهاته هتتعرف على أهم الفنانين التشكيليين، زاي Edward Hopper و Da Vinci و Picaso وغيرهم وتقدر بعدها تقرا سيرتهم الذاتية.

كمان تابع القنوات دي: The Art Assignment, Turner Contemporary

تابع مجلات للتغذية البصرية زاي Blink Magazine اللي بتعرض صور من فنانين عالميين يومياً على إنستجرام.

المرحلة الثانية: تاريخ السينما والأفلام

عشان تتعلم أي حاجة لازم تعرف تاريخها، وتعرف اللي قبلك عملوا ايه، عشان متكررش نفس غلطاتهم وتتعلم من تجاربهم. المهم وانت بتعمل ده انك متقدسش حد. كله بيغلط ومحدش فيهم معصوم من الخطأ.

١- اتفرج على افلام

عالأقل فيلم في اليوم، لو عرفت تزود يبقى احسن، بس انتظم على فيلم كل يوم. متتفرجش بردو على أفلام ذوقك وبس، دوق من كل الأطعمة، جايز فيه Genre تانية هتحبها اما تشوفها. إتفرج على أي فيلم جديد في السينما، وأي فيلم كسب في مهرجان أو حتى اترشح للمسابقة الرسمية، وشوف الأفلام اللي خدت أوسكار، وشوف أهم الأفلام اللي أثرت في تاريخ السينما وأهم الأفلام اللي أثرت في الجمهور، لو عايز تعرف تبدأ منين فدي بعض الترشيحات:

قائمة Metacritic Best Movies of All Time لأهم الأفلام على الإطلاق (ده موقع بيجمع المقالات النقدية لنقاد السينما، فهتلاقي عليه الأفلام اللي فعلاً عجبت النقاد دول اللي هما في الغالب شافوا أفلام اكتر بكتير منك)

ودي قائمة IMDB Top 250 دول مترتبين بتقييمات الجمهور يعني دي مش شرط تكون أفلام مهمة في تاريخ السينما لكنها عجبت الجمهور جداً ومهم تشوفها عشان تبقى واعي باللي حواليك.

قائمة أفضل ١٠٠ فيلم مصري

قائمة Letterboxd 1001 Movies

٢- افهم الأفلام:

الأهم من إنك تتفرج على أفلام، هو إنك تفهمها وتتعلم لغتها، وده مش هيحصل في يوم وليلة بالظبط زي تعلم لغة جديدة، بس مع الممارسة هتتعود. هقولك على الطرق اللي ممكن تساعدك في فهم الأفلام دي خصوصاً انك هتقابل أفلام معقدة و صعبة جداً ومختلفة تماماً عن سينما الجمهور.

أولاً بعد ما تخلص أي فيلم اقرأ مقالات نقدية عن الفيلم. تقدر تلاقي مقالات النقاد متجمعه على Metacritic و Rotten Tomatoes

شوف Film Essays لطلبة بتدرس سينما او ناس بتحب السينما. عشان بيحللوا الأفلام وبيخلوك تاخد بالك من حاجات عمرك ما كنت هتلاحظها هسيبلكم هنا اهم القنوات اللي على اليوتيوب بتعمل ده:

Every Frame a Painting

Thomas Flight

Daniel Netzel

MUST SEE FILMS

Beyond the Frame

Like Stories of Old

Nerdwriter1

The Discarded Image

CinemaTyler

٣- اعرف تاريخ السينما

دي اهم القنوات اللي هتعرفك تاريخ السينما، وايه الحركات او المدارس اللي حصلت فيها وأهم المخرجين اللي أثروا في السينما العالمية.

Filmmaker IQ هتلاقي فيها فيديوهات مهمة جداً عن تاريخ السينما وتحديداً الحاجات التقنية.

Crash Course Film History دي قائمة بتاريخ السينما بنفس الترتيب اللي بيتدرس في معاهد السينما

One Hundred Years of Cinema ده بيمسك أهم فيلم في كل سنة من ساعة ما السينما بدأت ويتكلم عنه وعن سبب أهميته.

Film & Media Studies عليها نظريات الفيلم واللي بتساعدك تفهم السينما وادواتها واراء المفكرين والفلاسفة فيها

Kubricklynch دي قناة بتشرح أهم الحركات في السينما وبتديك مقدمة عن سينما كل بلد.

شوف الوثائقي ده عن محمد بيومي رائد السينما المصرية وأحد أهم الرموز فيها

Master of Suspense دي قناة متجمع فيها أهم الأفلام الوثائقية واللقاءات بتاعت هيتشكوك، أهم مخرج بريطاني وواحد من أهم المخرجين في العالم، وهتلاقي عليها معلومات خلف الكواليس عن كل أفلامه.

المرحلة التالتة: التخصص

بعد ما اتعلمت الأجزاء الفنية تقدر تشوف أهم المصادر اللي تتعلم منها الجانب التقني لكل قسم من أقسام السينما.

١- المعلومات التقنية

Filmmaker IQ

Video Tech Explained

 

٢- المعلومات العامة

Studio Binder

RocketJump Film School

 

٣- كتب عن السينما

قائمة أهم الكتب عن السينما

وتقدر تحمل اي كتاب ببلاش من على Z Library

 

٤- بودكاست عن السينما

ShotDeck Talks

This Guy Edits Podcast
Once Upon a Timeline
Cinema of Meaning
Art of the Cut
Indie Film Hustle
Film Spotting
Team Deakins
IndieWire: Screen Talk
Script Notes
The History of Film
Sound + Image Lab
Art of the Cut by Steve Hullfish
The Director’s Cut
Rough Cut

 

٥- السيناريو

Tyler Mowery

وتقرأ سيناريوهات أفلام على Studio Binder

 

٦- التصوير

Wandering DP بيحلل لقطات متصوره من إعلانات عالمية وبيناقش مصادر الإضاءة والمعدات المستخدمة فيها.

Andrey Beresnev بيعلم تصوير للمبتدئين

In Depth Cine بيتعمق في مواضيع مهمة عن التصوير باستخدام أمثلة من أفلام عالمية

Lewis Potts بيحلل ويفسر الطرق المستخدمة في تصوير الأفلام العالمية

AlterCine بيسلط الضوء على الطرق اللي بيستخدمها اهم مديرين التصوير في العالم في أفلامهم

محتاج تتعمق أكثر في المعلومات التقنية؛ بص على الكتب في رقم ٣

إقرأ مقالات واسمع Podcasts لمصورين بيتكلموا عن ازاي وليه اختاروا يصوروا بالمعدات اللي اختاروها.

 

٧- المونتاج

Vashi

This Guy Edits

Film Editing Pro

لو عايز تتعلم VFX Workflow شوف Fast Hat Films

اتعلم نصائح جديدة عن البرامج اللي بتستخدمها Javier Mercedes

وده كمان لو بتستخدم دافنشي Creative Video Tips

اتفرج على سلسلة فيديوهات Adobe مع Team Fincher

شوف فيديوهات Assist Bootcamp واتعلم ازاي تبقى Assistant Editor

 

٨- تلوين

Juan Melara

Colour Training

ColourLab AI

Darren Mostyn

Cullen Kelly

Miesnermedia

Filmmaker IQ

لو عايز تتعلم Davinci Resolve شوف Casey Faris و Creative Video Tips

 

٩- صوت

Chris Morocco Sound

Curtis Judd

 

١٠- كورسات عن السينما

Hurlbut Academy
MasterClass
Film Editing Pro
Mixing Light
Lowepost
MZed

تقدر تتابع عمر شيرين على اليوتيوب عشان تتعلم سينما أكتر بالعربي، وكمان تابعه على انستجرام عشان التغذية البصرية، وتقدر تشوف شغله على الموقع بتاعه Omar Sherien